Аляксандр Валянцінавіч Арановіч — удзельнік каманды YouTube-канала "Страна для жизни", заснаванага Сяргеем Ціханоўскім. Кіроўца аўтадома, 37 гадоў, жыў у горадзе Старыя Дарогі Мінскай вобласці. Скончыў Бабруйскае вучылішча алімпійскага рэзерву, да 2015 года быў індывідуальным прадпрымальнікам, займаўся грузаперавозкамі. Ездзіў на заробкі ў Расію, да рэпрэсій працаваў кіроўцам. 

Аляксандр Арановіч разам з камандай "Страны для жизни" ездзіў па рэгіёнах Беларусі на брэндаваным аўтадоме.

Затрыманы падчас пікету па зборы подпісаў у Гродне 29 траўня разам з іншымі ўдзельнікамі СДЖ. Пераведзены ў Мінск у СІЗА-1.

Прад'яўлена абвінавачванне паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэксу.

17 снежня 2020 года стала вядома, што Арановічу прад'явілі новае абвінавачванне — падрыхтоўка да ўдзелу ў масавых беспарадках (п. 13 ч. 2 арт. 293 Крымінальнага кодэкса).

У судзе Ленінскага раёна Гродна 27 красавіка 2021 агучылі прысуд па крымінальнай справе супраць Аляксандра Арановіча. Суддзя Алена Пятрова палічыла віну палітвязня ў здзяйсненні злачынстваў, прадугледжаных ч. 1 арт. 342 і ч. 2 арт. 13, арт. 293 КК, даказанай і пакарала Арановіча шасцю гадамі пазбаўлення волі ва ўмовах узмоцненага рэжыму. Менавіта такі тэрмін запрасіў для абвінавачанага пракурор Дзяніс Корда. 

13 ліпеня 2023 г. стала вядома, што палітвязня перавялі на турэмны рэжым тэрмінам на 2 гады.

Аляксандру некалькі разоў прапаноўвалі пісаць заяву на памілаванне, але ён адмовіўся.

Быў этапаваны ў Турму № 4 з ПК № 22.

Па інфармацыі @stranafund, з Аляксандрам ужо два месяцы няма ніякай сувязі. Верагодна, ён знаходзіцца ў ШІЗА за адмову падпісваць прашэнне аб памілаванні.

Храналогія судовага працэса:

"Усе справы сфабрыкаваныя!" Аляксандра Арановіча асудзілі на шэсць гадоў пазбаўлення волі

Да абвяшчэння рашэння Аляксандр Арановіч выступіў з апошнім словам. Сярод іншага ён адзначыў: "Усе справы сфабрыкаваныя, абараніцца не далі. Усе зацікаўленыя, каб мяне асудзіць і пасадзіць!"

Як у Гродне судзяць чатырох фігурантаў "справы Ціханоўскага". Фотарэпартаж

"Вясна" працягвае назіраць за гэтым працэсам. Распавядаем і паказваем, як у Гродне судзяць чатырох фігурантаў "справы Ціханоўскага".

Пракурор просіць пакараць кіроўцу аўтадома "Страна для жизни" Арановіча шасцю гадамі калоніі

У судзе Ленінскага раёна Гродна 22 красавіка адбыліся спрэчкі па крымінальнай справы супраць 38-гадовага кіроўцы аўтадома "Страна для жизни" са Старых Дарог Аляксандра Арановіча.

"Усе справы сфабрыкаваныя!" Аляксандра Арановіча асудзілі на шэсць гадоў пазбаўлення волі

У судзе Ленінскага раёна Гродна 27 красавіка агучылі прысуд па крымінальнай справы супраць 38-гадовага кіроўцы аўтадома "Страна для жизни" са Старых Дарог Аляксандра Арановіча.

Крымінальная справа за гвалт да міліцыянтаў: вобшукі, затрыманні і новы фігурант справы

Аляксандр Арановіч — фігурант "справы Ціханоўскага"

"Можа вы і нармальныя людзі, але я ўжо нікому не веру", — маці палітвязня Аляксандра Арановіча

"Вясна" пагаварыла з маці палітычнага зняволенага Аляксандра Арановіча Галінай Іванаўнай. Хто такі Аляксандр, як ён трапіў у каманду "Страна для жизни", як успрыняла гэта сям'я, як праходзіць следства ў дачыненні да яго, як ставяцца старадаражане да таго, што ў іх горадзе з'явіўся палітвязень, — чытайце ў нашым матэрыяле.

"Запытваліся, чаму яны з Ціханоўскім аднолькава апранутыя". Палітвязню Арановічу прад'явілі новае абвінавачванне

Як паведаміла "Вясне" маці палітычнага зняволенага Аляксандра Арановіча, яму прад'явілі новае абвінавачванне — падрыхтоўка да ўдзелу ў масавых беспарадках (п. 13 ч. 2 арт. 293 Крымінальнага кодэкса). Такія ж абвінавачванні днямі прад'явілі палітвязням Ігару Лосіку і Мікалаю Статкевічу.