Аляксандр Камлёнак — жыхар Оршы. 

Яго затрымалі ў лютым, калі ён вярнуўся ў Беларусь з працы. Раней Аляксандр працаваў у лакаматыўным дэпо, але пасля 2020 года быў або звольнены, або сам звольніўся — падобна, што звальненне было палітычна матываваным. Пасля гэтага Камлёнак працаваў дальнабойнікам у заходніх краінах. А калі вярнуўся дадому з працы, быў затрыманы. Яго абвінавацілі ў абразе прадстаўніка ўлады (арт. 369 Крымінальнага кодэкса). Аляксандр утрымліваўся ў СІЗА № 2 у Віцебску.

Суд Верхнядзвінскага раёна прызнаў старонку Аляксандра ў "Аднакласніках" "экстрэмісцкай".

Аляксандра 14 жніўня 2024 г. зноў судзілі, за "абразу Лукашэнкі" і "фінансаванне экстрэмісцкай дзейнасці". Працэс быў закрытым, судзіць Аляксандра прызначылі Яўгена Бурунова.