Дзмітрый Міхальцэвіч
Палітвязень
Дата затрымання: 19 снежня 2023
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 1 год
Від пакарання: пазбаўленне волі ў калоніі ва ўмовах агульнага рэжыму
Суддзя: Хвалько Сафія
Месца зняволення: СІЗА-6
Групы: Дзеячы культуры, Рабочыя
Справы: Пратэсты Баранавічы
Дзмітрый Уладзіміравіч Міхальцэвіч, працоўны Беларускай чыгункі, быў затрыманы і змешчаны ў СІЗА за ўдзел у акцыі патэсту ў Баранавічах.
Паводле інфармацыі dissidentby Дзмітрый стаяў ля вытокаў развіцця брэйк-данса ў горадзе, быў удзельнікам каманд F. S. C., B-BAXSTER, "Ваўкі", таксама перамагаў у чэмпіянаце Беларусі па брэйк-дансе "Голас вуліц". Вучыў дзяцей і дарослых танчыць брэйк-данс.
14 чэрвеня 2024 у судзе Баранавічаў і Баранавіцкага раёна распачаўся разгляд крымінальнай справы паводле арт. 342 КК (Актыўны ўдзел у групавых дзеяннях, якія груба парушаюць грамадскі парадак). Па ёй судзяць Дзмітрыя і яшчэ восем чалавек. Суддзя — Сафія Хвалько, якая прысудзіла Дзмітрыю 1 год пазбаўлення волі ў калоніі. Вядома, што палітвязень цалкам прызнаў віну.
Падчас суда ўтрымліваўся ў СІЗА №6.
