Дзмітрый Шчамер
Палітвязень
Дата нараджэння: 1 жніўня 1994
Дата затрымання: 11 сакавіка 2024
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: невядомы
Суддзя: Жуковіч Алена
Справы: Пратэсты Мінск
Групы: Спартсмены
Дзмітрый Шчамер — плывец, кандыдат у майстры спорту. Праўладныя каналы сцвярджаюць, што яго затрымалі выпадкова: з-за чахла на тэлефоне з надпісам "Маліцеся за Беларусь" на англійскай мове і выявай нацыянальнай сімволікі. Пасля затрымання ў тэлефоне Дзмітрыя нібыта адшукалі відэа з пратэстаў, а таксама фота з дваровага чата, дзе ён прапануе людзям макеты пратэсных налепак.
Дзмітрыя абвінавачвалі паводле арт. 342 Крымінальнага кодэкса (арганізацыя і падрыхтоўка дзеянняў, што груба парушаюць грамадскі парадак). Яго справу разгледзелі 24 красавіка 2024 г. у судзе Савецкага раёна Мінска. Суддзя – Алена Жуковіч.
Утрымліваўся ў СТ № 8.
Магчыма, Дзмітрыю прысудзілі "хатнюю" хімію.
