Галіна Іванаўна Лагацкая - актыівістка, пенсіянерка. 

Яе затрымалі 9 красавіка 2024 году, калі яна пайшла ў Кастрычніцкі РУУС Мінска забіраць свой тэлефон, які ў яе вынялі два гады таму і не аддавалі. Нагадаем, у сакавіку 2022-га году Галіне прызначылі 15 сутак арышту за лістоўкі «Не вайне» - гэта палічылі «несанкцыянаваным пікетаваннем». Ёй паведамілі, што гатовыя аддаць тэлефон, таму і запрасілі ў РУУС.

Сутнаць абвінавачвання невядома. Вядома, што яе затрымалі паводле арт. 342 (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх) Крымінальнага кодэксу. Утрымлівалася ў СТ № 8. 

Суд пачаўся 14 чэрвеня 2024 года ў Кастрычніцкім судзе горада Мінска. Справу прызначылі разглядаць Вользе Лаўрыновіч. Яна прызначыла Галіне 2,5 гады "хатняй хіміі". 

23 жніўня 2024 г. разгледзелі апеляцыйную скаргу Галіны. Старшыня судовай калегіі Святлана Чарапанава.

6 верасня 2024 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

За ўдзел у акцыях пратэсту ў Мінску судзяць палітзняволеную Галіну Лагацкую

У судзе Кастрычніцкага раёна Мінска 14 чэрвеня 2024 года пачынаецца суд над палітзняволенай пенсіянеркай Галінай Лагацкай. Яе вінавацяць у “арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле ў іх паводле ч. 1 арт. 342 Крымінальнага кодэкса.