Марына Гацура
Былая палітзняволеная
Дата нараджэння: 27 снежня 1964
Дата затрымання: 23 студзеня 2024
Прад'яўленыя абвінавачванні:
- арт. 361-4 Крымінальнага кодэкса — Садзейнічанне экстрэмісцкай дзейнасці
Вынік суда: 5 гадоў
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Паляшчук Вікторыя
Іншыя пазнакі: «Рэйд па салідарнасці»
Марына Уладзіміраўна Гацура была затрымана 23 студзеня 2024 года падчас масавага рэйда сілавых структураў па сваяках палітзняволеных і людзях, якія дапамагаюць ім.
Марына ўтрымлівалася ў СТ № 8 Жодзіна.
На 2 верасня 2024 г. у Марыны быў прызначаны першы разгляд яе справы ў Мінскім абласным судзе паводле артыкула 361-4 па ч.1 і ч. 2 (садзейнічанне экстрэмісцкай дзейнасці). Суддзёй прызначылі Вікторыю Паляшчук. 12 верасня яна агучыла вырак: 5 гадоў абмежавання волі без накіравання ў ПУАТ ("хатняй хіміі").
