Наталля Ігараўна Крук была затрымана за каментары 7 жніўня 2023 года пасля вяртання з Польшчы. Яе тэлеграм-акаўнт быў прывязаны да ўласнага беларускага нумара, таму яе маглі лёгка ідэнтыфікаваць. 

Жанчыне прад'явілі абвінавачванне паводле двух артыкулаў Крымінальнага кодэксу: ч. 3 арт. 361 КК (Заклікі да санкцый) і арт. 342 КК (Актыўны ўдзел у групавых дзенннях, груба парушаючых грамадскі парадак).

7 траўня 2024 года ў Мінскім гарадскім судзе пачаўся разгляд справы Наталлі. Суддзя — Жанна Брысіна.

9 жніўня 2024 г. адбыўся разгляд апеляцыйнай скаргі. Старшыня судовай калегіі Эдгар Марцірасян.

13 верасня 2024 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Утрымлівалася ў СІЗА № 1. Адбывае пакаранне ў ПК № 4. 

У Мінску судзяць жанчыну, якая адмовілася адказваць на пытанні прапагандыста Азаронка

У Мінскі гарадскім судзе сёмага траўня пачынаецца разгляд крымінальнай справы Наталлі Крук, якую затрымалі ў ліпені 2023 года па вяртанні ў Беларусь з Польшы. Яе абвінавачваюць у “арганізацыі і падрыхтоўцы дзеянняў, якія груба парушаюць грамадcкі парадак, альбо актыўным ўдзеле ў іх” (ч. 1 арт. 342 КК) і “закліках да дзеянняў, накіраваных на нанясенне шкоды бяспецы Рэспублікі Беларусь” (ч. 3 арт.361 КК).