Жыхар Салігорскага раёна Руслан Уладзіміравіч Акостка стаў вядомым пасля таго, як 15 лістапада здолеў прайсці амаль праз увесь горад з бел-чырвона-белым сцягам. Такім чынам ён адзначыў акцыю ў памяць пра забітага Рамана Бандарэнку. Яго ўрэшце затрымалі супрацоўнікі міліцыі і змясцілі ў ізалятар.

Руслан Акостка з вёскі Заўшыцы Салігорскага раёна, да затрымання працаваў на ахоўнікам у супермаркеце Green.

16 лістапада 2020 года суд Салігорскага раёна пастанавіў пакараць яго за ўдзел у несанкцыянаваным масавым мерапрыемстве на 15 сутак адміністрацыйнага арышту.

Аднак на волю Руслан так і не выйшаў. У дачыненні да былога дэсантніка распачалі крымінальную справу за супраціў супрацоўніку міліцыі, які ахоўвае грамадскі парадак (арт. 363 КК). Са слоў сваякоў, на Руслана 30 лістапада распачалі крымінальную справу за супраціў падчас затрымання супрацоўнікам РАУС і нанясенне цялесных пашкоджанняў, якія не панеслі за сабой цяжкіх наступстваў і шкоды здароўю супрацоўніку РАУС.

Суд праходзіў фактычна ў закрытым рэжыме ў напружанай абстаноўцы і незвычайнай актыўнасці сілавікоў. Абвінавачваны віну ў здзяйсненні супраціву супрацоўніку міліцыі з ужываннем гвалту не прызнаў.

Суддзя Алеся Серадзенка 4 лютага 2021 года агучыла прысуд: тры гады пазбаўлення волі ў калоніі агульнага рэжыму і матэрыяльная кампенсацыя ў памеры 2 000 рублёў.

У віцебскай калоніі № 3, куды мужчыну накіравалі адбываць прысуд, распачалі супраць Руслана новую крымінальную справу паводле арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суд над ім адбыўся 18 сакавіка ў будынку "Віцьбы". Пра працэс не ведалі нават сваякі палітвязня — тры месяцы ад яго наогул не было вестак. У выніку суддзя Віцебскага раённага суда Міхаіл Зубеня асудзіў яго яшчэ да года калоніі. 

У сярэдзіне ліпеня 2022 г. стала вядома, што Руслана накіравалі ў глыбоцкую ПК № 13. На пачатку студзеня 2023 г. палітвязня перавялі ў ПК № 9 у Горках.

Выйшаў на волю 24 ліпеня 2024 г. З'ехаў з Беларусі напрыканцы верасня. 

"Тое, што адбываецца ў беларускіх калоніях — гэта і ёсць катаванні" — Руслан Акостка

Руслана адразу перавялі ў глыбоцкую ПК № 13, а потым у адну з самых жорсткіх калоній Беларусі — ПК № 9 у Горках. Палітвязень адбыў цалкам тэрмін і выйшаў на волю 24 ліпеня 2024 года і ўжо праз дзесяць дзён пакінуў Беларусь. Апынуўшыся ў бяспецы, Руслан распавёў "Вясне" пра ўмовы ўтрымання ў горацкай калоніі, загадкавыя прапановы аб памілаванні ў "Віцьбе" і сустрэчы з лаўрэатам Нобелеўскай прэміі міру Алесем Бяляцкім.

Палітзняволенага былога дэсантніка з Салігорску ў калоніі асудзілі яшчэ да года зняволення

У выніку суддзя Віцебскага раённага суда Міхаіл Зубеня асудзіў яго да года калоніі.

«Пацярпелага мне шкада: у яго вачах пустата, я яму дарую»

Вольга, маці абвінавачанага сцяганосца, распавяла lider-press.by: "Я была рада ўбачыць сына"

«На месцы сына я б рабіла тое самае»

Маці і сястра сцяганосца Руслана Акосткі расказваюць пра свой 1937-ы

Прысуд дэсантніку і сцяганосцу Руслану Акостку: тры гады пазбаўлення волі

Суд праходзіў фактычна ў закрытым рэжыме.

Працэс над Русланам Акосткам

Першае затрыманне і натоўп жадаючых патрапіць на суд.

Салігорск: Судзяць былога дэсантніка, які прайшоў увесь горад з бел-чырвона-белым сцягам

Справу разглядае суддзя Алеся Серадзенка.

На Руслана Акостку завялі крымінальную справу за супраціў супрацоўнікам міліцыі

Пра Руслана праваабаронцам вядома, што ён з вёскі Заўшыцы Салігорскага раёна, працаваў да затрымання на “Беларуськаліі”.