Алега Аляксандравіча Дзегцярэнка абвінавацілі ва “ўдзеле ў экстрэмісцкім фармаванні” (ч. 3 арт.361-1 КК) і “фінансаванні тэрарыстычнай дзейнасці” (ч. 2 арт. 290-1 КК). Сутнасць абвінавачання праваабаронцам пакуль невядомая.

Гомельскі абласны суд, які доўжыўся з 9 лютага, 7 сакавіка 2024 года прызнаў Дзегцярэнку вінаватым. Шляхам частковага складання пакаранняў, канчаткова абвінавачанаму прызначана пакаранне ў выглядзе пазбаўлення волі на тэрмін 8 гадоў 6 месяцаў з адбываннем у папраўчай калоніі ва ўмовах узмоцненага рэжыму са штрафам у памеры 100 базавых велічынь. Справу ў закрытым рэжыме разглядаў суддзя Алег Харошка.

Утрымліваўся ў СІЗА № 3. Адбывае тэрмін у ПК № 3. 

24 траўня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Жыхара Гомеля асудзілі за "ўдзел ў экстрэмісцкім фармаванні" і данаты

Гомельскі абласны суд 7 сакавіка 2024 года завяршыў разгляд крымінальнай справы Алега Дзегцярэнкі, якога абвінавацілі ва “ўдзеле ў экстрэмісцкім фармаванні” (ч. 3 арт.361-1 КК) і “фінансаванні тэрарыстычнай дзейнасці” (ч. 2 арт. 290-1 КК). Справу ў закрытым рэжыме разглядаў суддзя Алег Харошка.