Наталля Уладзіміраўна Захаранка — прадпрымальніца, грамадзянка Украіны. На пачатку ліпеня 2023 году жыхарка Чарнігава знікла па дарозе ў беларускі Мазыр, дзе жыве яе сястра. Трывогу забіла дачка жанчыны: нумары і кантакты маці пасля перасячэння польска-беларускай мяжы сталі недасяжныя, а афіцыйныя органы маўчалі.

Высвятлілася, што яе затрымалі і абвінавачвалі ў шпіянажы на карысць Украіны паводле арт. 358 КК. Разам з ёй судзілі таксама Ларысу Крупу. Суд над жанчынамі пачаўся 15 лютага 2024 году ў Гомельскім абласным судзе. Справу разглядаў суддзя Анатоль Сотнікаў.

Як паведамлялі ўкраінскія медыя, Наталля з'яўлялася валанцёркай, пасля пачатку вайны перавозіла ў ЕС і Беларусь украінскіх уцекачоў, перадавала дакументы і лекі. Вядома таксама, што Захаранка ездзіла ў Беларусь на ўласным аўтамабілі.

Гомельскі абласны суд меркавана 5 сакавіка 2024 г. у закрытым рэжыме вынес прысуд Наталлі Захаранцы і Ларысе Крупа. Захаранку абвінавацілі ў шпіянажы на карысць Украіны, а яе знаёмую ў неданясенні аб злачынстве (ч. 2 арт. 406 КК). 

Суд пастановіў пакараць украінку пазбаўленнем волі тэрмінам на 9 гадоў, а таксама канфіскаваць у яе мікрааўтобус. Ларыса Крупа атрымала штраф у памеры 100 базавых велічынь (4 тысячы беларускіх рублёў).

24 траўня 2024 г. разгледзяць апеляцыйную скаргу Наталлі. Рашэнне будзе прымаць судовая калегія пад старшынствам суддзі Паўла Каршуновіча.

31 траўня 2024 г. унесена МУС у "спіс экстрэмістаў". 

Утрымлівалася ў СІЗА № 3. 

Увечары 28 чэрвеня 2024 года з'явілася раптоўная звестка аб вызваленні з беларускіх калоній пяці палітзняволеных. Украінcкія ўлады дабіліся вызвалення сваіх грамадзян па абмене як палонных. Так на волі апынуліся Наталля Захаранка, Павел Купрыенка, Людміла Ганчарэнка, Кацярына Бруханава, а таксама фігурант "справы ў Мачулішчах" Мікалай Швец. Умовы абмену не паведамляюцца. Адзначаецца, што ўдзел у вызваленні прыняў Ватыкан. Вызваленых палітвязняў даставілі ва Украіну 28 чэрвеня — у СМІ з'явілася іх фота з аэрапорта "Жуляны".

«Везьлі зь мяшкамі на галаве, не казалі, куды». Гісторыя ўкраінкі, якую па абмене вызвалілі зь беларускай турмы

Украіна з Расеяй чарговы раз абмяняліся ваеннапалоннымі. У межах гэтага абмену былі вызваленыя 10 украінцаў, пяцёра зь якіх утрымліваліся ў беларускіх турмах. Адна з вызваленых — жыхарка Чарнігава Натальля Захаранка. Яна расказала сваю гісторыю Свабодзе.

Пяцёх палітзняволеных грамадзян Украіны вызвалілі па абмену. Распавядаем, што вядома пра іх

"Вясна" распавядае пра вызваленых палітвязняў.

Грамадзянку Украіны абвінавацілі ў шпіянажы і асудзілі на 9 гадоў калоніі

Гомельскі абласны суд меркавана 5 сакавіка ў закрытым рэжыме вынес прысуд грамадзянцы Украіны, палітзняволенай Наталлі Захаранцы і яе знаёмай Ларысе Крупа. Захаранку абвінавацілі ў шпіянажы на карысць Украіны паводле арт. 358 КК, а яе знаёмую ў неданясенні аб злачынстве (ч. 2 арт. 406 КК). Справу разглядаў суддзя Анатоль Сотнікаў.

У Гомелі пачынаецца суд над грамадзянкай Украіны, якую абвінавачваюць у шпіянажы

Справу прызначаны разглядаць суддзя Анатоль Сотнікаў.