Сяргей Віктаравіч Ляхновіч узяты пад варту па арт. 350 ч. 2 (мадыфікацыя камп’ютарнай інфармацыі) і арт. 130 ч. 1 КК (распальванне варожасці) за дапамогу (прадастаўленне магчымасцяў свайго персанальнага камп'ютара) у ажыццяўленні кібератакі на сайт Беларускага дзяржаўнага медычнага ўніверсітэта ў адказ на рэпрэсіі ў дачыненні да студэнтаў.

Вядома, што Сяргей быў дырэктарам лагістычнай кампаніі. 

Утрымліваўся ў СІЗА-1, у канцы красавіка 2022 быў пераведзены ў Турму № 4.

28 чэрвеня 2022 г. КДБ унёс Сяргея ў спіс асобаў, "датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Асуджаны 24 сакавіка 2022 г. у Мінскім гарадскім судзе, яго справу разглядаў Яўген Хаткевіч. 

Разгляд апеляцыйнай скаргі адбыўся 3 чэрвеня 2022 г. у Вярхоўным судзе. 

Месца, дзе Сяргей адбывае пакаранне, высвятляецца. 

Судзяць "кіберпартызана". Ягоны бацька: "Правільна судзяць, і ведаць не хачу!"

У Мінскім гарадскім судзе па арт. 350 ч. 2 (мадыфікацыя камп'ютарнай інфармацыі) і арт. 130 ч. 1 (распальванне варажнечы) суддзя Яўген Хаткевіч судзіць дырэктара лагістычнай кампаніі Сяргея Ляхновіча. Як вядома "Нашай Ніве", мужчыну ў віну ставяць удзел у кібератацы на сайт БДМУ восенню 2020-га.